Et waeter op

We bin vandaege van half 11 tot vanaovend goed 6 ure mit de boot et waeter op west. Et was een heerlike, zunnige dag. Ondaanks et feit dat ik zowat altied sture, bin dit veur mi’j slim ontspannende daegen. We bin eerst over Warga naor Grou veerd en doe in de richting van De Veenhoop. Onderwegens biwwe ofzwinkt in de richting van Eernewoolde. Daor hewwe om 3 ure anlegd bi’j hotel Princenhof. Op et terras hewwe drinken had en elk een driemaster. Dat is een twaelfuurtien. D’r was heerlike dopatesop bi’j. Vervolgens biwwe in de richting van de Fonejachtbrogge veerd en van daor weer naor et noorden. Hieronder twie foto’s die ‘k vandaege maekt hebbe. Boven: et mooie dörp Grou. Onder: tegenliggers.