Et waeter op

We hebben een lekkere dag op et waeter had. Et was vandemiddag 23 tot 24 graoden. Ideaol veur een boottocht. We bin vandemorgen deur Wartena naor Eernewoolde veerd en doe naor Grou. Via een aandere route biwwe vervolgens weer naor Eernewoolde gaon. Daor hewwe om goed twie ure eten op et terras van hotel Princenhof. We hebben ieder een stormbreker had. Zo hiet daor een twaelfuurtien. Een kop heerlike tuunkrudesoep, een plakkien bolle mit een kroket en een plakkien bolle mit een uutsmieter. Nao et eten biwwe weer in de richting van Wartena en Warstiens veerd. Et is om disse tied henne prachtig om al dat jonge goed te zien. Jonge enties en gaansies mit heur oolden. De oeverzwelvers weren d’r ok weer! Hieronder een foto die ‘k vandemorgen maekt hebbe. Disse husies an et waeter staon in Wartena vlakbi’j de brogge.