Et Vene

Ik hebbe de hiele middag in Et Vene ommeheisterd. Eerst he’k naor Haarm en Jacob west mit een bos bloemen veur Haarm. Die is vleden weke in Liwwadden oppereerd en now dus weer thuus. Naor omstaandigheden gaot et goed. En doe bin ‘k zels naor et ziekenhuus gaon veur een gesprek mit de chirurg, een hiele aorige vrouw, over een eventuele opperaose van de dunne daarm. Daor zit al jaoren een vernauwing in en moet die d’r uuthaeld wodden of niet? Dat is almar weer de vraoge. Mar… de uutslag van de scan was d’r nog niet. We praoten op 11 oktober veerder. Wodt dus vervolgd. Ik bin doe ok nog naor kapster Bertha west, die het me et haor bekubbed en weer netties maekt. Bi’j heur he’k een koppien soep en een plakkien bolle mit geitekeze had. Dat doe ‘k zokrek thuuskwam ha’k gien drokte meer mit de eteri’je.