Et Vene

Ik bin haost de hiele dag in Et Vene west. Vandemorgen he’k naor kapster Bertha west. Ik hebbe eerst een koppien thee mit een rollegien had. Doe het ze me netties en toonber maekt omda’k morgen naor et gemientehuus zal.  Vervolgens he’k een kop snet had en een Turks brotien mit geitekeze. Ik hebbe een poedegien mit rollegies mit naor huus kregen. Nao Bertha bin ‘k naor Haarm en Jacob gaon, nog veur Jacob zien verjaordag. Doe Jacob jaorig was, was ik dikke verkolen en hullen ze me liever buten de deure. Bi’j heur he’k ok alderhaande lekkers had, dat ik hoeve aanst mar ien plakkien bolle te hebben.

En dan nog even over gisteraovend. Op ‘e Lemmer he’k heerlik uut eten west mit Harry in resteraant FEM aan het dok. De schippen die daor in et waeter laggen weren prachtig mit branende laampies versierd. De serveerster het oons op petret zet. Et is een nogal donkere foto wodden. Et is krek as kan oonze eteri’je gien locht verdregen. Twie kerels uut et kriminele milieu die malle zaekies an ’t bepraoten binnen…