Ereburgerschop

De hiele dag ston in et teken van mien ereburgerschop. De dag van 15 december komt almar dichterbi’j. Dan zal mien petret onthuld wodden in de eregalerij van et gemientehuus. Eregalerij… Bi’j dat woord daenk ik an et Rieksmuseum en Rembraandt en Fraans Hals. Now ja, toe dan mar… Vandemorgen bin ‘k in et gemientehuus in Wolvege tegere mit burgemeester André van de Nadort interviewd deur Marga Dullemond. Et dubbel-interview komt op 14 december in de Stellingwarf. De man die daor op 15 december ok een toespraoke holen zal, was vandemiddag bi’j me om ien en aander deur te praoten.