Eindelik weer et waeter op

Nao drie weken konnen we eindelik weer lekker es een dag mit de boot et waeter op. Et was een heerlike en ontspannen dag mit een protte zunne en een oplopende temperetuur tot 22 graoden. Ik hebbe me lekker daelegeven en niet stuurd. Aanders doe ‘k dat wel. Zokke daegen meer. We bin over Wartena naor Eernewoolde veerd en doe in de richting van Grou. Vervolgens linksof naor De Veenhoop. Daor was et smoordrok mit boten, fietsers op ponties en meensken op terrassen. We belaanden om goed twie ure op et terras van hotel-resteraant Ie-Sicht en mossen een ure waachten op et eten. Ze hebben grif te min passeniel. Nao et eten biwwe eerst over et Preenses Margrietkenaal mit de Fonejachtbrogge weerommeveerd. Hieronder twie foto’s. Boven: dit is Wartena, hier laggen we vandemorgen een schoffien te waachten veur de brogge. Onder: ien van oonze tegenliggers van vandaege was de WR (Wieringen) 26.