Eerste kastdag

Ik bin mit de kastdaegen meerstal allienig. Daor is niks an. Genoeg tied veur zelsreflektie, dat wel. Gelokkig da’k poes bi’j me hebbe. Vandaege hadde dat aanders wezen zuld, mar ja… Vandemorgen ha’k vesite hebben zuld van Henk en Dinie. Dinie warkte vroeger ok bi’j de belastingdienst in Et Vene. En vanaovend ha’k uut eten zuld mit Harry, Frans en Jan in resteraant Boszicht in Ni’jberkoop. Daor ha’k me slim op verhoopt. Mar ja… Gieniene het wat an mien hoesteri’je en ik moet ja gieniene anstikken. Alhoewel et now op begint te knappen. Ik hebbe vandemiddag wel naor de kasttoespraoke van de keuning keken en luusterd. Een vaast punt in et jaor. Mooie en waore woorden. We moe’n et mit mekaander doen en wat om mekaander daenken. As dat now mar gebeurt. Dat zol mooi wezen!