Eernewoolde wint

We bin vandaege van half elf tot zes ure mit de boot et waeter op west. Et was een heerlike dag en et wodde 21 graoden. In de loop van de middag wodde de wiend wat frisser en kowwe wel wat meer kleren an verdregen. Krek as de laeste peer weken hewwe nargens ansteuken, we hadden weer bolties en drinken an boord. We bin naor Eernewoolde west, daor was vandaege de dadde wedstrieddag van et skutsjesilen. Doe de boel nog niet ofsleuten was, veer veur de wedstried om twie ure begon, konnen we mooi bi’j de skutsjes langesveren. Wat bin dat toch prachtige boten! Laeter konnen we d’r niet dichte meer bi’jkommen, mar we hebben nog wel een zwink van de wedstried zien. Et was d’r hatstikke drok mit boten en meensken. Eernewoolde het trouwens wunnen. Hieronder nog een peer foto’s. Et skutsje mit de letter E in et zeil is vanzels Eernewoolde.