Een middag in Berkoop

D’r gebeurde vandemiddag een protte in et gebouw daor de Stellingwarver Schrieversronte in huust in Berkoop. Eerstens wodde daor de dichtbundel Tegere van Harmen Houtman en Roely Bakker prissenteerd. Harmen en Roely leesden elk ok een stokmennig gedichten veur. De bundel zicht d’r prachtig uut in een had omslag. Twiedens kwam et boekien Et pad van de griffioen uut. Een boekien mit vuuf literaire fietstochten deur de Stellingwarven. Bi’j mekaander zocht en schreven deur Christine Mulder. In et boek bin ok een stok of acht gedichten van mi’j opneumen. Daddens kwam de cd Onderwegens van Karst Berkenbosch en Mark Verbeek uut. De beide mannen leuten zes lieties heuren. En doe was dan nao vuuf jaor et ofscheid van Abel Darwinkel as direkteur van de Stellingwarver Schrieversronte. Abel wodde toespreuken deur de veurzitter van de Schrieversronte en deur de kultuurwethoolder van Oost-Stellingwarf. Hi’j wodde ok  toezongen en hul zels een mooie toespraoke. Iederiene kon ok in de kunde kommen mit Arjan Sterken, de ni’je direkteur. En veerder weren d’r lekkere draankies en happies. Wel wat een protte op iene middag…