Een lange dag op et waeter

We hebben vandaege een hiele lange en prachtige dag mit de boot et waeter op west. Van vandemorgen half 11 tot kwat over 7 vanaovend. We bin eerst over Wartena in de richting van Eernewoolde veerd en doe de kaant van Grou op. Halverwege bin we ofsleugen in de richting van De Veenhoop.  Van half 4 tot half 5 hewwe lekker eten had op et terras van hotel-resteraant Ie Sicht. Ik hebbe een twaelfuurtien mit heerlike courgettesoep had. We bin ok weer over Wartena naor et noorden veerd. Doe we deur Wartena veerden, sleug de torenklokke daor 6 ure. Ik hebbe ok wat foto’s maekt. Boven: een riegel oolde husies in Wartena an et waeter. Onder: aj’ een hiele protte centen in et fikkebusien hebben, kuj’ zoe’n huus in Wartena an datzelde waeter zetten laoten.