Een dichtbij verleden

Deur alle Saharastof in de locht gong de zunne gister prachtig onder. De hiele locht in et westen was omtrent oranje van kleur. Wat een schitterend gezicht was me dat!

Op 28 feberwaori wawwe in Kamp Westerbork en daor he’k doe de roman Een dichtbi’j verleden van Kristin Harmel kocht. Een dag of wat laeter he’k et zuver in iene goeze uutlezen. Wat een mooi, spannend en veural ontroerend boek. In 2019 woont Liv Kent in New York en ze is d’r niet al te best an toe. Heur kammeraod is bi’j heur weggaon. Ze is allienig en dan… staot heur wat appatte Fraanse grootmoeder inienend veur de deure. Die wil dat Liv drekt mit heur mit naor Frankriek gaot. Onderwegens vertelt ze over de trieste geschiedenis van Maison Chauveau en ontdekt Liv hiel staorigan dat alles in heur leven aanders is as dat ze docht dat et was. Et verhael gaot weeromme naor 1940 as de Duutsers Frankriek invalen. Een verhael over Inès en Michel en heur kesteel Maison Chauveau… Een verhael dat alles mit Liv te maeken het.