Johan Veenstra
Stellingwarver schriever en verteller

Dwingel

Plaetst op 2 april 2023.

Vandemiddag moch ik mitdoen an Rondje Cultuur Dwingeloo en dat was in d√∂rpshuus Over Enthinge. Ik hoefde et daor niet allienig te vertonen, mar moch optreden mit et zangkwartet Fiere, dat Drentse en Engelse lieties zong. Hiel mooi! En wie zat daorbi’j? Baukje Bloemert! Ik kenne Baukje vanzels van et Huus van de Taol in Beilen. D’r weren vandemiddag tussen de 40 en 50 bezukers. Dat was best wel goed, want et was mooi zunneschienweer. Doe ‘k daor even nao half zesse et gebouw weer uutkwam, zag ik eerst dat d’r een sturkenust pal veur ston. D’r was eerst iene sturk op et nust, mar doe kwam nommer twieje d’r ok anzeilen. En die klepperde dat zowat dee. Wat een mooi geluud! Wat een begroeting! Ik kon et trouwens ok makkelik verstaon. Klepperdeklep… Ik bin d’r weer, mien lieverd. Ik hebbe d’r mar een foto van maekt.