Johan Veenstra
Stellingwarver schriever en verteller

Duutse laekens

Plaetst op 15 oktober 2023.

Ik hebbe de Duutse laekens weer op bedde daon. Een dag of wat leden koj’ nog in de kotte broek fietsen, mar et weer is now hielemaole ommesleugen en dan wor ik rilderig tussen de ketoenen laekens. Duutse laekens is een behoold veur ’t lief. Meensken die dat mar onzin vienen, wo’n laeter geheid rimmetiekerig. Ik bin vandaege weer begonnen te bakken, ik hadde daor de laeste tied niet al te vule tied veur en zin in. Mar now bin ‘k weer los. Ik hebbe vandemiddag een kruudkoeke mit rezienen, gember en sukade bakt en die is hiel lekker wodden. En now he’k een Dutch applebread mit appels en walneuten in de ovend staon. Ik mag d’r van uutgaon dat die ok lekker wodt, et bakken van zoe’n ding is me temeensen nog nooit mislokt.