Drokke weke

Doe ik op Eupen Stal boeken zat te verkopen, kreeg ik van Alie en Wopke een pak boerekeekmix en van Hendrik en Beitske een fluttien eier. Dat paste wonderbaorlik mooi bi’j mekaander. Ik hebbe de laeste peer daegen dus een  boerekeek bakt en ok nog een Dutch apple bread. Ze bin allebeide hatstikke lekker wodden. Ik hebbe vandaege twie kleine fietstochies maekt. Vandemorgen naor Berkoop en vandemiddag naor Wolvege om wat bosschoppen. Et was en is nog slimme brodsig. As hier mar gien dallie op komt… Vanaovend komt Jarmo hier, die zal dan mit de slotteboel van de deuren an de gang. En veerder wodt et een slim drokke weke. Awwe morgen of woensdag wel veren of fietsen kunnen, weet ik nog niet. Dat hangt van de regen of. Ik zal donderdag wel naor kammeraod Douwe in Veenwoolden en zaoterdag maek ik mit Fettje een boottocht over de Waddenzee!