Drokke dag

Vandemorgen he’k op ‘e fiets naor fysiosport in Wolvege west en Anke het hier et huus schonemaekt. Ik kreeg van alderhaande lekkers van heur uut heur volkstuun: courgette, grune boonties, peulties en wottelties. Dat is niet gek. Ik zal d’r morgen votdaolik op te zette. Vandemiddag hullen Jan Berend en Elly een fesien in de tuun van Enjoy Laandgoedhotel Lunia in Berkoop. Ze bin vandaege 45 jaor trouwd. Ik hadde een uutneudiging en bin d’r henne west, hebbe heur fielseteerd en wat geven en bin doe weer votgaon. Ik moet vanaovend ok nog optreden in Berkoop en twie keer een koppel praotende meensken om me henne is op et ogenblik wat te vule van et goeie. Ik moet en zal dus vule vaeker van nee zeggen. Mar ze troffen et daor vandemiddag in de tuun van Lunia ommeraek mit et weer! Ik zal vanaovend vertellen mit kammeraod Douwe en Sanne Bakker speult op ‘e harpe. Et zal me beni’jen as d’r wat volk op ofkomt. Ik hebbe al mien teksten zeker vier keer rippeteerd. Dat et zol aenlik goedkommen moeten. We zullen et zien.

Hieronder nog een foto van gister bi’j de Driewegsluus. Al die waarmte woj’ loom van in de huud en dan kuj’ d’r et beste mar even lekker bi’j liggen gaon.