Drinken

Vandemorgen he’k op ‘e fiets naor fysiosport in Wolvege west. De oefenings bin van now of an beheurlik zwaorder wodden, dat ik poestte bi’jtieden as een dempe kedde. Ik bin ok nog even bi’j Jarmo en zien vader en moeder an west. Zetten jim trouwens in de waarmte wel een bakkien drinken butendeure? Ik hebbe drie bakkies aachter et huus staon. Gister zag ik twie koolmesies in een bakkien ommewadderen. En doe ‘k vandemiddag even butendeure zat, zag ik dat een hieleboel wapsen en aandere insekten bi’j die bakkies kommen te drinken. Et was prachtig om naor te kieken. Help voegelties en insekten! Zorg in de waarmte veur drinken!

Gister en vandaege he’k wat an ’t ommeproezen west mit een gedicht da’k in opdracht maeken zal. Ik hebbe zoas gebrukelik al hiel wat versies verscheurd. Ik wete in ieder geval dat de titel Een betere tied wodt.