Dorpsfeest

Vandemiddag he’k drie uren naor de Zeskaamp op et dorpsfeest west. Et is mar een haenetree, pal tegenover mien huus. Et was 33 graoden, mar de zunne kreup iederkeer in ’t nust. Dat was wel lekker, mar ik dreef liekewel van ’t zwiet. En nog… Ik hebbe niet mitdaon. Ik moet d’r niet an daenken in de hitte. Alhoewel ze bi’j ien onderdiel ok een flut waeter over de huud kregen. Ik hebbe genoeglik mit tal van meensken praot en hebbe een brotien hamburger en een joekel van een frikandelle mit naor huus toe neumen en dat lekkers he’k now krek behaffeld. Veur mi’j zit et dorpsfeest d’r now ok op, want morgenmiddag za’k naor Harlingen. Hieronder nog twie foto’s van de laeste daegen. Boven: mien versierde huus in de hitte. Onder: nog even weeromme naor eregister doe ‘k mit Jan en Diana aovens eten hebbe in resteraant Het Noorden in Aalten.