Dolfinarium

We bin d’r vandaege gezellig een dag op uut west naor et Dolfinarium in Hadderwiek. Ik was daor meer as vuuftig jaor leden een keer west mit de tienertoer en sund die tied nooit weer. Et was mooi. We hebben daor eerst wat drinken had mit wat lekkers d’r bi’j. Vervolgens hewwe haaien en roggen zien en alderhaande shows bekeken mit dolfijnen, zeeleeuwen en zeehonnen. Et was prachtig om te zien hoe as de dolfijnen salto’s maekten. En toch is et ok een betien zielig om te kieken daor dieren die keunsies doen veur de meensken. Mar ja, ze kriegen iederkeer wel weer een vissien as beloning. Poes Marja gaot hier as keunsien tegen de taofel op staon en dan liggen daor een peer snupies as beloning. Veur wat lekkers wil elk wezen wel een keunsien doen. We hebben vanaovend lekker waarm eten had in resteraant Pieter Poot op ‘e Blesse. Hieronder een foto die ‘k vandemiddag maekt hebbe van een zeeleeuw en zien verzorger.