Dokkum

We bin d’r vandaege lekker op uut west. In et mooie stattien Dokkum hewwe eerst wat drinken had in hotel-resteraant De Posthoorn an de Diepswal. En dat mit een heerlike waarme apfelstrudel d’r bi’j. Doe hewwe an diezelde Diepswal Museum Dokkum bekeken. Een mooi museum mit vanzels flink wat andacht veur Bonifatius die ze daor indertied in et jaor 754 van kaant maekt hebben. Dokkum Moordstad! Ik bin d’r zodoende nog altied wat extra allat. Ie weten et mar nooit…  Ze hebben d’r ok schitterend zulver, hiele mooie branewienkoemen. Die zo’k wel hebben willen! Nao et museum hewwe een stadskuier maekt en we hebben winkeld. Op ‘e weerommereize hewwe heerlik waarm eten had in De Pleats in Burgum. Et was mal, diezig, triest weer. Ik hebbe dus al weer gien foto’s maekt. Een aandere keer beter wat dat anbelangt.