De scheepsdochter

Ik hebbe vandaege de kollum die ‘k vandeweke naor de kraante sturen zal nog wat befiekt en verbeterd. Butendat he’k een ni’je kollum in klad schreven die ‘k laeter nog uuttikken zal.

Ik hebbe de roman De scheepsdochter van Anne Jacobs lezen. Een boek over een onwisse toekomst, een moedige jonge vrouw en een onmeugelike liefde. Dat is nogal wat. Et verhael begint in Dantzig, in 1880. De jonge Johanna Berend staot treurig veur heur prachtige oolderlike huus. Naodat ze d’r vandeur gaon is mit een pianist en die relaosie mislokt is, wil ze graeg weeromme naor heur femilie. Mar dan heurt ze dat heur vader intied uut de tied raekt is. Heur breur Theo is now et heufd van de femilie en die moet niks van zien vri’jgevochten zuster hebben. Mar Johanna geft et zomar niet op. Ze is van plan en leef heur leven zoas zi’j dat wil. Ze zal heur niks van heur hadvochtige breur an perberen te trekken. Zol heur dat lokken? Een mooi boek!