Johan Veenstra
Stellingwarver schriever en verteller

De rode dageraad

Plaetst op 21 november 2022.

In mien boekekaaste staon 22 romans van Santa Montefiore, mar ik hadde nog nooit een boek lezen van heur man Simon Sebag Montefiore. Dat verzuum he’k now ongedaon maekt, want ik hebbe De rode dageraad lezen. Een mooie historische roman over de Twiede Wereldoorlog die in Ruslaand speult. Benya Golden is een joodse gevangene die in de goelag zit veur misdaoden die hi’j nooit begaon het. D’r is mar iene meugelikhied en kom uut SiberiĆ« weg en dat is je opgeven om mit te vechten tegen de Duutsers. De rode dageraad is een prachtig boek over Benya, de oorlog op ‘e steppen en zien liefde veur een Italiaanse verpleegster. Een boek over passie, moed en overlevingsdrang.

Hieronder een foto die gistermiddag deur Frits maekt is van Ria en mi’j in heur huus in De Wiek daor et slimme genoeglik was en de eupen heerd an was.