De Rinkelbom
Plaetst op 15 meie 2023.
Vandemorgen he’k mit groot genoegen optreden mit Grytsje Kingma in De Rinkelbom in Et Vene. We hebben een ure laank Friese lieties en Stellingwarver verhaelen heuren laoten. Ik hebbe d’r wel es vaeker optreden. Doe ston ik op een groot podium in et volle locht, zonder de meensken in de zael haost zien te kunnen. Zoks vien ik niks, dat past niet bi’j me. Ik moet dichte bi’j de meensken staon te vertellen, dan kuj’ zien hoe as ze reageren. Vandemorgen was dat prima in odder. We stonnen in een klein zaeltien veur ongeveer 35 meensken. Nao ofloop kon iederiene wat drinken kriegen. Et het mi’j op disse meniere best voldaon. En wat aorig dat d’r ok vrunden en kunde kommen weren. Haarm uut Et Vene, Geertje en Sieger uut Liwwadden, Jan en Baukje uut Et Vene en Haarm en Tinie ok uut Et Vene.
Hieronder een foto van poes Marja die een betien glundig toekikt. As poes halverwege de trappe liggen gaot, betekent dat dat hi’j daor op dat plak mit me speulen wil. Dan moet ik him bi’j de huud pakken en dan hapt hi’j speuls naor mi’j. Et is vanzels een betien een geveerlik plak om te speulen. As poes van de trappe roegelt is d’r niks te redden. Die komt wel op zien vier poties terechte. Dat ding is zo smu as een stok ielestiek. Mar een oolder woddende man kan een malle smak maeken. Et blift dus uutkieken mit disse speulderi’je.
Hieronder een foto van poes Marja die een betien glundig toekikt. As poes halverwege de trappe liggen gaot, betekent dat dat hi’j daor op dat plak mit me speulen wil. Dan moet ik him bi’j de huud pakken en dan hapt hi’j speuls naor mi’j. Et is vanzels een betien een geveerlik plak om te speulen. As poes van de trappe roegelt is d’r niks te redden. Die komt wel op zien vier poties terechte. Dat ding is zo smu as een stok ielestiek. Mar een oolder woddende man kan een malle smak maeken. Et blift dus uutkieken mit disse speulderi’je.