De Ploeg

Ik bin vandaege even mit de trein naor Grunningen west en bin daor tegenover et treinstesjon naor et Grunninger Museum west. Ik hebbe daor de tentoonstelling Draken en Demonen bekeken. Hiel mooi Aziatisch, veural Japans en Chinees, keramiek. Wat ok een mooie opstelling van al dat moois. Mar ik kwam aenlik veur Nieuw Licht-De Ploeg. Een kompleet ni’je prissentaosie van de schilderi’jen van de schilders van De Ploeg, de meer as bekende keunstenersverieninge. De leden van De Ploeg zollen indertied et kulturele laandschop in Grunningen wel es evenpies ommeploegen. Ik bin een groot liefhebber van die schilderi’jen. Verschillenden ha’k op diverse tentoonstellings al wel es eerder zien. Dan is et krek as koj’ goeie kunde weer tegen. Zoas de zichters op et bouwlaand en de beide vrouwluden die een koetse mit vesite naokieken. D’r hangt daor now een prachtige verzaemeling in et Grunninger Museum. Naoda’k al dat moois bekeken hadde, he’k wat eten had in et museumresteraant. Hieronder nog een schilderi’je van George Martens (1894-1979), ien van de schilders van De Ploeg. Dit is Het grijze kind uut 1925.