Johan Veenstra
Stellingwarver schriever en verteller

De parallaks

Plaetst op 25 juli 2023.

Ik hebbe de roman De parallaks van Janneke Spoelstra lezen. Een prachtige Friestaelige roman. Et gaot over drie vrouwluden: Famk die dattig wodt, Lokke die vuuftig wodt en Wyb die zeuventig wodt. Wat de vrouwluden gemien hebben is dat ze alle drieje lesbisch binnen. We leren ze kennen deur de verhaelen over heur. Et aorige is dat ze zo now en dan in mekeers verhaelen veurkommen, mar uuteindelik gaon ze alle drieje heur eigen weg. Mooi bin ok de netuurobservaosies over dieren en plaanten en zo. Die kommen ok vaeke in mien verhaelen veur. Ik kan jim et boek van hatte anrikkemederen. Et verscheen in 2019 bi’j de Af√Ľk. Ik kreeg dit boek van Janneke doe ‘k vleden weke bi’j heur was en zi’j het doe mien ni’je verhaelebundel Naozoemerlaand kregen.We hebben dus ruild. Veur in et boek het ze schreven: Foar Johan, in goede ruil (hoopje ik) mei Naozoemerlaand. Een goeie ruil is et wat mi’j anbelangt dus zeker, Janneke!