De Lieke

Eindelik was et vandaege mooi fietsweer en krek now mos ik optreden. Mar dat woortien mos heur ik niet te zeggen. Et moet wezen: moch ik optreden. Et is een veurrecht dat ik dat doen mag. Ik was vandemiddag in et Noabershuus op ‘e Lieke, daor moch ik in de rekreaosiezael vertellen veur de leden van een historische fietsklub. Meensken die in kleren van vroeger en op fietsen van vroeger de weg uut gaon en zodoende een protte bekieks hebben en vaeke op petret zet wodden. D’r weren meensken uut et hiele laand: Siddeburen, Hattum, Middelharnis… En et aorige was dat iederiene me verston. Ik hebbe mit opzet wel ietien minder vlogge en extra dudelik praotende verteld. Wat ligt de wereld d’r op et ogenblik trouwens mooi bi’j. Overal bluuiden de peerdebloemen onderweg. Ik bin binnendeur naor De Lieke gaon: over Donkerbroek, Haulerwiek en Zeuvenhuzen. Hieronder nog een foto die ‘k vandemiddag maekt hebbe. An dit waeter ligt et Noabershuus. En dan morgen naor Bargen an Zee!