De laeste Drentse fietstocht

Twie jaor leden zatten we in een vekaansiehusien in Lochem. Doe konnen we mar iene dag fietsen. De aandere daegen regende et. Vleden jaor zatten we in datzelde husien en doe konnen we ok mar iene dag fietsen. De aandere daegen leup et tegen de 40 graoden. Mar van ’t jaor konnen we drie daegen fietsen. Wat een prachtig weer! Vandaege hewwe weer een tocht van ongeveer 40 kilemeter maekt. Jelle zorgt veur alle kneuppunteroutes. As ik dat doen zol, kwammen we vermoedelik nooit weer thuus. De temperetuur leup vandaege op naor 28 graoden. We hebben een peer stokkies van de veurige routes opni’j reden, mar ok een hiel ni’j stok. Bi’j een protte lappen bouw langes mit maïs, eerpels, bieten en tarwe. We zaggen ok een veld mit wilde orchidenen. We hebben eten op et terras van resteraant De Weme in Borger. Een heerlik boltien mit waarme bienschinke. In Bronneger reden we over een soortement Lende. Dat hiette daor et Veurste Diep(ien). We kwammen ok deur Buun (Buinen). Morgen zuwwe naor Ni’j Buun. Hieronder twie foto’s. Boven: de maanse karke van Borger. Onder: in Borger kwammen we ok een peer mammoeten integen.