De laatste verdwijning

We hebben gelokkig de kotste dag van et jaor te pakken. Now kan et allienig nog mar beter wodden. Ik bin dit natte, trieste weer zo verschrikkelik zat. Ik snakke naor lange, lochtige daegen. Dat is vanzels votdaolik et geval nog niet, mar et blift van now of an aovens wel elke dag weer een betien langer lochtig.
Ik hebbe de literaire thriller De laatste verdwijning van Jo Spain lezen. Superspannend! Alex Evans krigt et vreselike bericht dat zien zuster Vicky dood uut een meer in Fins Laplaand haeld is. Hi’j daenkt in eerste instaansie dat ze verdronken is en reist naor et luxe vekaansieplak daor Vicky as reisleidster warkte. Daor komt hi’j in de kunde mit rechercheur Agatha Koskinen die de boel onderzuukt. Zi’j daenkt dat d’r lichtkaans meer an de haand is. As Alex heurt dat d’r daor in et verleden drie vrouwluden verdwenen binnen is hi’j d’r wel wisse van dat d’r een protte geheim hullen wodt. Tegere mit Agatha gaot hi’j op onderzuuk uut. Een mooi boek!