De laatste nacht

Ien keer in et jaor komt Anja bi’j me op vesite. Dat was vandemiddag dus weer et geval en krek as aanders hawwe weer een protte te bepraoten.

Ik hebbe de spannende psychologische thriller De laatste nacht van de Zweedse schriever Martin Österdahl lezen. Hatstikke mooi en spannend! Op een vroege ni’jjaorsmorgen vint de pelisie van Nacka twie gruwelik toetaekelde dooien op ‘e bojem van een zwembad bi’j een laandhuus. Op ooldejaorsaovend hadden twie smoorverliefde tieners, Ebba en Marlon, een etentien orgeniseerd veur de oolden van weerskaanten. Dan konnen die ok es mit mekeer in de kunde kommen. Mar doe dee blieken dat ze mekeer van vroeger al kenden. Et zol een aovend wodden mit verwoestende gevolgen veur iederiene.