De kus

Ik hebbe vandaege een boek van mar goed honderd bladzieden lezen. Now ja, dat ha’k vanzels in een peer uurties uut. Et is De kus van Santa Montefiore. Van heur hadde ik al 22 boeken in de kaaste staon en now dus 23. Ik hebbe ok nog een peer van heur laeste boeken niet, dat meens schrift zo hadde en vule… Ik kan et niet bi’jholen. De kus gaot over Madison die altied weten het dat ze niet dezelde vader het as heur breurs en zusters. Eerst as ze achttien is, heurt ze veur de eerste keer de naeme van heur vader en die wil ze dan kennen leren en zien as ze heur blonde haor en blauwe ogen van him het. Die vader is Robert. Hi’j het een mooi huus, een geweldige vrouw en drie intelligente zeunen. Mar hi’j het een geheim… Achttien jaor leden het hi’j wat mit een aandere vrouw had en daor is een dochter van kommen. Nao al die jaoren moet Robert mit de waorhied veur ’t locht kommen. Zullen ze him vergeven en zullen ze Madison aksepteren willen? Of… is Madison gien dochter van Robert?

Ik kreeg een app mit foto’s van Douwe en Romkje. Die kuieren in Northumberland bi’j de Mure van Hadrianus langes en gaon ankem weke naor Schotlaand. Hieronder een foto die ze me stuurden van de Mure van Hadrianus.