Johan Veenstra
Stellingwarver schriever en verteller

De Kniepe

Plaetst op 19 jannewaori 2023.

Gisteraovend ha’k een mooie aovend in et Keunstkef√© in Appelsche. D’r weren een goeie veertig vrouwluden en die zatten in een halve cirkel veur me. Dat is de mooiste indieling veur een verteller, mar ik maeke et mar hiel weinig mit dat ze et zo inrichten. We kregen knieperties en rollegies. Et is nog jannewaori, dat heurt d’r dus nog bi’j. Vandaege was et ok een drokke dag. Ik hebbe vandemorgen alles klaorzet veur de beide tuunmannen zodat die in huus kommen konnen te koffiedrinken en bin doe zels naor De Kniepe gaon. Daor moch ik vertellen veur krap veertig senioren in mfc De Barte an de Ds.Veenweg. Et was daor ok hiel genoeglik. Doe ‘k thuuskwam he’k gauw de soep waarm maekt veur de tuunmannen en doe die in de keuken zatten te eten bin ik weer votgaon. Ik hadde een ofspraoke in Ni’jesliek. Doe ‘k weer thuuskwam weren de tuunmannen al vot. Et ni’je schut staot prachtig en dat duurt mien tied wel uut.