De Karstenhoeve (2)

De kommende zundagmiddag, op 30 oktober, mag ik tegere mit de Drentse schriefster Ans Klok optreden in de Karstenhoeve in Runerwoold en iederiene mag d’r henne. Dat now ja, as jim aanders toch mar wat ommehangen en niet weten waj’m doen zullen, gao naor Runerwoold! Daor is dan naemelik van 11 ure morgens tot vuuf ure middags de Karstenhoeve Fair Meuk én Leuk. Om de museumboerderi’je henne staon allemaole kraompies daor aj’ alderhaande moois en lekkers kopen kunnen. Butendat kuj’ de museumboerderi’je bekieken. Ans en ik treden op in de Pronkkaemer van de boerderi’je. We vertellen die middag elk drie keer. Iedere keer ongeveer twintig menuten. Ik beginne om ien ure, dan komt Ans om half twieje en zo gaot et deur. Oonze boeken bin daor ok te koop. Hieronder een foto van de Karstenhoeve die ‘k maekt hebbe op 7 juni van dit jaor. Doe hewwe die prachtige museumboerderi’je al es bekeken. Et adres is: Runerwoold, Dr. Larijweg 21.