De kakkerlak

Ik hebbe de literaire thriller De kakkerlak van de Noorse topauteur Jo Nesbo lezen. Een hiel spannend boek! In de kaemer van een dadderangs hotel in Bangkok wodt et liek van de Noorse ambassadeur vunnen. Pelisieman Harry Hole wodt vanuut Noorwegen naor Thailaand stuurd. Hi’j moet de moord zo diskreet meugelik oplossen, tegere mit zien Thais-Amerikaanse kollega Liz Crumley. Mar dat gaot niet zomar. Et dot al gauw blieken dat et om vule meer as allienig mar een moord gaot…

Poes kan me gien kedogies meer in mien slaopkaemer brengen. Mar doe ‘k vandemorgen van bedde kwam was poes mit een levendige moes beneden in de kaemer. Wat weer een gedoe. Mit mien zere spieren mos ik de baank, stoelen en kaasten an de kaant drokken. En doe wodde et een aachtervolging deur de kaemer. Uuteindelik roetste de moes de hal in. Ik hebbe doe rap de veurdeure losdaon en… de moes steuf et huus uut. En doe he’k de deure lieke rap weer dichtedaon en kon ‘k eindelik een broggien eten gaon. Onderstaonde en slim toepasselike kaorte kree’k gister in de busse. Hi’j wodde me toestuurd deur Haarm en Jacob vanuut Museum Wierdenland in Ezinge.