De Jouwer

In de serre van ’t Haske op ‘e Jouwer moch ik vandemiddag verhaelen vertellen veur de leden van BNMO Frieslaand. Dat is de belangeverieninge veur schenneleseerde militairen en pelisies. Ik bin in et verleden eerder bi’j heur west te vertellen: in 2002 en 2011. D’r weren vanzels ok wedevrouwen van die militairen en pelisies. Pattie manluden kenden mekeer nog van heur diensttied in et begin van de zestiger jaoren op et vroegere Nederlaans Ni’j Guinea. Et was vandemiddag mar een klein koppeltien volk, mar de serre was ok niet zo groot, dat et zat d’r smoek. Ik hebbe heerlik vertellen kund! Nao et vertellen wol een vrouw graeg mit me op ‘e foto. Dat is dus gebeurd! En doe he’k bi’j een bloemist in de Midstraote twie bloemebonnen inwisseld. Ik hebbe drie mooie winterhadde plaanten veur in de tuun kocht. In Wolvege kon ‘k ze niet inwisselen, mar op ‘e Jouwer was dat gien inkeld perbleem. Vremd… Et is een betien slim drok op et ogenblik. Morgenvroeg moe’k om tien ure al weer in een radiostudio in Veendam wezen.