De Fochtel

Et is een oolderwets drokke vertelweke mit vier optredens. Nao Harlingen en Burgum he’k gisteraovend naor De Fochtel west te vertellen. Ik moch daor in dörpshuus Et Legien vertellen veur de leden van Dörpsbelang naodat ze heur jaorvergeerdering had hadden. Dat betekende da’k om negen ure uut aende zetten kon. Ik was in et verleden al drie keer eerder bi’j heur west: in 1991, 1995 en 2007. Et was een slim genoeglike aovend, ik kon lekker vertellen! En now za’k zundagmiddag nog naor Dwingel…
Gister bin d’r hier an et aende van de weg waor as ik an wone deur verschillende meensken twie wolven zien. Dat wodde me vandaege verteld. Ik hebbe ze jammer genoeg niet zien. Ik daenke dat pattie ooldere vrouwluden now onder de aovend niet meer butendeure durven te kommen. Want ja, de grootmoeder van Roodkappien is indertied deur een wolf opeten. Ze hebben vermoedelik dus een veurliefde veur wat ooldere vrouwluden.