De eerste sni’j

Vandaege he’k een kollum nog es goed naokeken en verschillende kleine veraanderings anbrocht. Vervolgens he’k him naor de kraante maild. Butendat bin ‘k weer an et wecken west. Ik hebbe nog vier potties mit stoofpeerties weckt. Die vien ik arg lekker. Honderd meter van mien huus staot een bak an de weg daor aj’ gratis stoofperen uut pakken kunnen en mitnemen meugen. Die meensken kun de boel zels lange niet op, want et et is bliekber een best perejaor.

Harry en Frans reizen onderdehaand veerder deur heur vekaansielaand Frankriek. Ze zitten now in de Pyrenenen en stuurden me vandaege een appien mit een foto. Daor bi’j heur is vandemorgen de eerste sni’j valen op ‘e bargtoppen. Dat liekt hiel mooi op ‘e foto. De hoogste barg van de Stellingwarven is de Bosbarg in Appelsche. Daor ligt gelokkig nog gien sni’j. Et wodt hier een heerlik weekaende mit 18 tot 19 graoden en volop zunne.