De eerste bluuit

Gistermiddag ha’k optreden zuld in et Helenahuus in Aalten, in de mooie Achterhoek, mar dat kon vanzels niet deurgaon. Ik zal d’r now op 18 meie henne en ik hope vurig da’k dan mit ni’je ogen en een ni’je brille in een ni’je auto naor Aalten kan. Wat zol dat mooi wezen!
De video mit mien gedicht Mien oolde huus is weer te zien bi’j de rebriek Video’s op dit webstee. Et het een schoffien niet te zien west omdat de meziekrechten van disse video niet betaeld weren. Pat van Boeckel, die de video maekt het, het d’r now meziek bi’j zet daor gien rechten op zitten. Dat now is et weer te zien en te beluusteren. Mit daank an webmaster Pieter!

Butendeure in de tuun begint de magnolia te bluuien. We moe’n now gien vost meer kriegen, want daor kun ze niet tegen. In huus staot mien eerste amarille in volle bluui, dat ik hebbe d’r vandemorgen mar een foto van maekt. Et is ieder jaor weer een feest a’k ze in de bluui kriege!