De Blesse

Vandemorgen om half negen wa’k al in resteraant Pieter Poot op ‘e Blesse. Daor trof ik de burgemeester, de griffier en de gemienteraodsleden van West-Stellingwarf. Die zollen heur jaorlikse uutstappien maeken op een soort brommers mit dikke banen. Hoe die dingen hieten wee’k zo niet. Ze zollen wat in de omgeving ommetoeren. Van ’t jaor wodde et uutstappien orgeniseerd deur VVD en D66. Vandaor dat Ronald Westenberg (D66) me een schoffien leden vreug as ik veurofgaonde an heur tocht een stokmennig verhaelen vertellen wol over meensken die ok op stap gongen. Nao een koppien thee en een lekker gebakkien he’k dat vandemorgen dus daon. Ik hebbe drie verhaelen verteld. Op ‘e fiets vot uut Lamert en Lutske, Sultan uut Naozoemerlaand en Geiteverstikkeri’je uut De wereld is gek. Ik hebbe vandemiddag trouwens nog vaeke an heur docht, want et het een hiel schoft best regend. Ik hope mar dat ze regenkleren bi’j heur hadden.