De Baptisten

Vandemiddag wa’k in Boekhaandel Burgum veur ien van de prissentaosies van de roman De Baptisten van Nyk de Vries. De aandere prissentaosies bin in Amsterdam en Grunningen. Dan is Burgum toch wat dichterbi’j. Nyk woont in Amsterdam-Oost, mar komt van Noordburgum. Ooit heb ik mit him optreden in De Lawei in Drachten. Ik komme ok in een filmpien van him veur. Hi’j het me indertied filmd in de tuun veur mien huus. Nog niet zo lange leden zwaaide hi’j naor me vanof et perron van Stienwiek. Ik zat in de trein. Nyk was van 2019 tot 2021 Dichter fan Fryslân. Hi’j is schriever, dichter, muzikaant en performer. Hi’j zong vandemiddag een stokmennig lieties mit begeleiding van zien meziekmaoten van et eerste ure. De roman gaot over twie kammeraoden in een Fries dörp (Noordburgum dus…) in de jaoren tachtig. Ze richten tegere een meziekband op. Een hechte groep, mar staorigan kommen d’r bassies in heur vrundschop. Ik bin slim beni’jd! Nyk schreef veurin mien exemplaor: foar Johan Veenstra! Prachtich datst der wiest, oant sjens wer yn de trein yn Stienwyk of elders groeten! Nyk