Dacia – Rijk van goud en zilver

Ik bin vandaege in de trein naor Assen west om daor in et Drents Museum de tentoonstelling Dacia – Rijk van goud en zilver te bekieken. Fantastisch!  D’r bin goold- en zulverschatten te zien uut et keuninkriek van de Daciërs van de 20^ste ieuw veur Chr. tot de 3^de ieuw nao Chr. Beleef in Assen et verhael van de Daciërs, een vergeten volk uut de wereldgeschiedenis. We bin dan op et plak daor now Roemenië ligt. Ze hadden daor indertied geweldig goeie goold- en zulversmeden. Heur ark is ok opgreuven en in Assen te zien. En te zien is wat ze maekt hebben. Schitterende sieraoden mit mooie motieven en geregeld in spiraolvorm. Een protte munten vanzels. En goolden helms, zulveren bekers en koemen en mooi beslag van peerdetuug. Te vule om op te numen. Et iene nog mooier as et aandere. Et is indertied as grafgift de grond ingaon of as offer an de goden. Gao naor Assen om al dit moois te bekieken. Gao vaeker naor een museum, volk. Koop vaeker een boek, gao vaeker naor de schouwburg. Steun de kultuur. Want mit de regering die d’r now zit het de kultuur et zwaor. Hieronder een foto van Assen op een prachtige dag op et aende van september.