Daank

Ik wil even bedaanken veur de aorige mailties en kaorten die ‘k van verscheiden meensken kreeg. Ze weensken me starkte toe. Ik stelle die reakties slim op pries! Gisteraovend kwam d’r een vrouw van even veerderop in de straote mit een bossien bloemen. Dat viek ik ok aorig. En vandemiddag kwammen Geertje en Sieger mit een grote bak vol stamppot zoerkool. Ik hebbe et in kleine bakkies in de vriezer stopt en daenke da’k d’r wel elf keer van eten kan. Ik kreeg d’r gelderse wossies bi’j. Dat is oe zo makkelik. Jelle en Gerda kwammen ok nog even langes, die weren onderweg van et huus in Ien naor et huus in Sneek. Ik hebbe ok nog meer medesienen van de aptheek in Wolvege haeld en hebbe even bi’j Pieter keken aachter oonze boeketaofel op ‘e Eupen Stal. Ik zol now al niet iens energie genoeg hebben om daor te zitten.