Burgum

Ik hebbe vandemiddag op vesite west bi’j Jannie in Burgum. Now Jan d’r niet meer is, is heur wereltien hiel klein wodden. Ik hebbe d’r een peer bakkies thee had, twie koeken en een benaan. Zeune Robbie kwam ok even langes. Tegenover Jannie zit Electric Tattooing. Dat volk het et neffens heur hatstikke drok. D’r kommen ok nogal wat meensken uut et butenlaand, die daor dan een peer daegen blieven. In een dag of wat kriegen ze een grote schildering op ‘e rogge of argens aanders en naachs blieven ze daor dan ok slaopen. As ik zoks doen laoten zol, zo’k naachs wel naor huus kunnen… Jannie krigt zoas vule meer ooldere meensken in Burgum elke dag een bakkien eten van de gruunteboer. Ze kan uut drie soorten eten kiezen. Mar ze krigt ok wel es wat aander eten, dat zodoende hadde ze wel een stokmennig van die bakkies in de vriezer zitten. Ik hebbe d’r twieje van mitkregen. Eerpelpuree mit rooie kool en hachee en Belgisch vleispottien mit koevleis en alderhaande stoveri’je. Dat ik hebbe et de kommende daegen makkelik mit de eteri’je.