Brunch
Plaetst op 25 november 2022.
Vandemiddag he’k meer as rejaol eten op kosten van de gemienschop. Zoks is hiel mooi en… ik was niet allienig. Ik hebbe vandemorgen om 11 ure Jan, Durkje en Riemie oppikt in Wolvege en die he’k mitneumen naor Van der Valk in Liwwadden. Daor hawwe tussen 12 en 2 ure een brunch veur de post-aktieven van de belastingdienst. Mit een kleine 150 man biwwe te zette gaon op alderhaande lekkers. D’r was waorlik gien nee te koop. Menister Gerrit Zalm van FinanciĆ«n kwam indertied tot et verstaandige inzicht dat de vroegere belastingambteners jaorliks nog flink wat toekomt veur alle vrotteri’je in dienst en tot heil van et keuninkriek. Wat was dat een beste man! Zokken het dit goeie laand vusen te weinig! We hebben allemaole heerlik eten. Wel drie keer zovule as thuus. Want ja… as ’t niks kost… Ik bin now zo zat as een tieke, dat ik daenke niet da’k vanaovend nog wat hoeve. En morgen kan ’t ok nog wel zunigan. Weeromme in Wolvege hewwe bi’j Jan en Durkje nog wat drinken had en we hebben naopraot over disse mooie en gulle dag!