Bronnebad

Vandemorgen bin ‘k ophaeld deur Harry en doe biwwe tegere naor et Bronnebad in Ni’jeschaans gaon. Onderwegens praotten we te drok en misten we zodoende de ofslag naor Hoogezaand. Et is ok wat. We hebben oons best vermaekt in Ni’jeschaans. We hebben d’r in et resteraant vanzels ok wat eten en dronken. Een koppien thee kostte daor 3,35 euro. Allemachtig nog an toe, dat is toch werachtig niet niks. En veerder hewwe geneuten van et heerlike waeter in et bad. D’r hong damp boven et waeter en doe om vuuf ure de laampen angongen wodde et zuver sprokiesachtig. Et verni’jde saunaplein was hiel mooi. We hebben daor in verschillende sauna’s west en ok in et zwembad wat d’r bi’j is. De oolde mannen hebben ok even in de rustruumte legen om wat bi’j te kommen. Et was donker en regenachtig doe we daor om kwat over zesse weer in de auto stapten. Iederkeer a’k/awwe bi’j Zuudbroek langesrieden moe’k daenken an de moeder van Marleen Spaargaren, die kwam naemelik uut Zuudbroek. Weten jim nog wel wie de moeder van Marleen Spaargaren was? Wie van mien leeftied is, wet zoks nog wel.