Boottocht (8)

Al weer hewwe een schitterende dag op et waeter had. Van vandemorgen tien ure tot vanaovend kwat over zesse. Via de Fonejachtbrogge biwwe naor Eernewoolde veerd. Daor hewwe wat ommekruusd. We bin naor De Veenhoop en richting Drachten west. Tussen twie en drie ure hewwe lekker eten op et terras van hotel-resteraant Ie-Sicht. Ik hebbe een brotien rookte zalm had. Heerlik! We bin ok nog een aende richting Burgum veerd over et Preenses Margrietkenaal. In de kleine vaorten was et slimme waarm, mar op et vri’je waeter was de wiend heerlik. Ria het vandaege op mien fiets de diek uut west, ze het dat mooie Lendepattien verkend! Hieronder een foto van vandaege. Et is toch niet gek aj’ zoe’n mooi vekaansiehusien an et waeter hebben. Dit is in de buurt van Eernewoolde. As mien boeken aanst in alderhaande taelen vertaeld wodden en et schip mit geld d’r an komt, koop ik ok zoe’n huus!