Boottocht (6)

Et was vandaege smoor- en smoordrok op et waeter. Ik hebbe et nog nooit zo mitmaekt. Deur de broggen en deur de kleine vaorten in de Alde Feanen mossen we bi’jtieden fileveren. Op et eupen waeter was vanzels ruumte zat. We bin de hiele dag dus mit de boot et waeter op west. Eerst deur Wartena naor Eernewoolde. Daor hewwe wat ommezwalkt. We bin een tippe richting Grou veerd en doe naor De Veenhoop. Uuteindelik hewwe in de loop van de middag eten op et terras van hotel-resteraant Princenhof in Eernewoolde. Ik hebbe een Driemaster had: een koppien sop, een plakkien bolle mit een kroket en een plakkien bolle mit een uutsmieter. Et was een waarme dag, mar op et wiede waeter was et blussien wiend heerlik verkoelend. D’r weren ok een protte fietsers op pad. Hieronder een foto die ‘k vandemorgen al bi’j Eernewoolde maekt hebbe.