Boottocht

We bin vandaege mit de boot et waeter op west. Eindelik… Et was vandaege zoe’n 25 graoden, morgen is et weer tien graoden koolder. Wat toch een verschil. We bin vandaege eerst om Warga henne naor Grou veerd en doe op Eernewoolde an. Daor hewwe wat ommekruust. Om half 3 hewwe anlegd bi’j hotel-resteraant Ie-Sicht en daor hewwe op et terras lekker eten. Ik hebbe een twaelfuurtien had: een koppien courgettesoep, een plakkien bolle mit een kroket en een plakkien bolle mit keze/schinke en een bakt ei. En vervolgens biwwe in de richting van Wartena en Warstiens gaon. Wat een mooie dag! Hieronder een foto die ‘k vandemorgen van et mooie Grou maekt hebbe.