Boottocht
Plaetst op 14 september 2023.
Gisteraovend he’k weer mitsuteld. D’r wodde suteld in Buil, Langedieke en Oosterwoolde mit zes krojen. Ok now sutelden d’r veur een wat hogere opbrengst weer drie sutelders allienig. Ik hebbe in Buil suteld en veur 340 euro verkocht. Mit mekaander wodde d’r gisteraovend veur goed 1200 euro verkocht. Ankem weke sutel ik op maendag en woensdag vanzels ok mit.
Vandaege hewwe een lekkere boottocht maekt van half 11 vandemorgen tot kwat over 5 vandemiddag. Et was vandemorgen eerst mar 16 graoden en et was best wel wat kil. Ie konnen doe wel een jassien en een lange broek an verdregen. Vandemiddag wodde et heerlik en zunnig zoemerweer. Et jassien kon uut en de lange broek kom ommewisseld wodden veur een kotte broek. We bin via Warga naor Grou veerd en doe bi’j Ie-Sicht langes naor Eernewoolde. Daor hewwe in de loop van de middag eten op et terras van hotel-resteraant Princenhof. Daor kwam een dikke rooie kaeter bi’j oons. Hi’j gong boven op mien tasse op ‘e stoel naost mi’j liggen. Hi’j vun et heerlik om aaid te wodden en ik hebbe him een half koekien opvoerd. Dat vul d’r goed in. Aandere meensken wollen him ok wel aaien. De jonge en et maegien van de bediening ok wel. Ze wusssen niet waor de poes wegkwam, et was de huuskatte van Princenhof in ieder geval niet. Laeter biwwe in de richting van de Fonejacht-brogge bi’j Suawoolde veerd. Hieronder een foto die ‘k vandemiddag maekt hebbe. Hiel vaeke he’k de boot al bi’j dit husien onder Wartena langesstuurd. Toch niet gek aj’ zoe’n zoemerhuus an et waeter hebben!
Vandaege hewwe een lekkere boottocht maekt van half 11 vandemorgen tot kwat over 5 vandemiddag. Et was vandemorgen eerst mar 16 graoden en et was best wel wat kil. Ie konnen doe wel een jassien en een lange broek an verdregen. Vandemiddag wodde et heerlik en zunnig zoemerweer. Et jassien kon uut en de lange broek kom ommewisseld wodden veur een kotte broek. We bin via Warga naor Grou veerd en doe bi’j Ie-Sicht langes naor Eernewoolde. Daor hewwe in de loop van de middag eten op et terras van hotel-resteraant Princenhof. Daor kwam een dikke rooie kaeter bi’j oons. Hi’j gong boven op mien tasse op ‘e stoel naost mi’j liggen. Hi’j vun et heerlik om aaid te wodden en ik hebbe him een half koekien opvoerd. Dat vul d’r goed in. Aandere meensken wollen him ok wel aaien. De jonge en et maegien van de bediening ok wel. Ze wusssen niet waor de poes wegkwam, et was de huuskatte van Princenhof in ieder geval niet. Laeter biwwe in de richting van de Fonejacht-brogge bi’j Suawoolde veerd. Hieronder een foto die ‘k vandemiddag maekt hebbe. Hiel vaeke he’k de boot al bi’j dit husien onder Wartena langesstuurd. Toch niet gek aj’ zoe’n zoemerhuus an et waeter hebben!