Boeken

Vandemorgen he’k naor de Schrieversronte in Berkoop west om boeken op te haelen veur de verkope, dat ik hebbe daor mitien ok mar een peer bakkies drinken had. Ik hebbe in de supermark van alles kocht zoda’k me nao de opperaosie een dag of wat makkelik redden kan, want in hebbe gieniene die me hier helpen kan. An et begin van de middag he’k de belastingpepieren weer bi’j mien administraosiekantoor in Wolvege weghaeld. Now is dat ok weer veur een jaor klaor. En now za’k vanaovend naor Eesvene om verhaelen te vertellen veur een koppeltien vrouwluden. Ik bin in et verleden drie keer eerder bi’j heur west te vertellen. Et wodt grif wel een genoeglike aovend.