Bloemedaegen Anna Paulowna

We bin vandemorgen in de auto naor Anna Paulowna gaon. Daor weren de jaorlikse Bloemedaegen. Onderweg was et eerst nog wat motterig, mar gaondeweg de dag knapte et weer op. In Anna Paulowna hewwe eerst wat drinken en een hiempe appelgebak had. We hebben daor een tentoonstelling in de karke bekeken en doe de prachtige Pooldertuun. De Keukenhof in et klein. Hasems wo’n daor 200.000 bloembollen plaant en et risseltaot is now te zien. Fantastisch mooi. Ik kan jim dat niet zien laoten, want de foto’s die ‘k mit mien tillefoon maekt hebbe kan ‘k weer es niet versturen naor mien mailadres. Wat is dat toch een gedoe. Et is hiel jammer. Nao de vesite an de Pooldertuun hewwe een autorit bi’j de bollevelden langesmaekt in Anna Paulowna en Breezaand. Schitterend! Een peer jaor leden biwwe d’r ok west, mar et kan in wezen ieder jaor wel. D’r weren onderweg ok mooie bloememozaïken te zien. Bi’j de roomse karke van Breezaand hong de geel-witte vlagge van et Vaticaan halfstok. We hebben vanaovend heerlik eten had in Parkhotel Tjaarda in Oranjewoold.