Bloedprikken

Ik hebbe gisteraovend et aende van de film mit Tom Hanks niet zien. Krek veurdat et oflopen was, kwam poes de kaemer in mit een levendige moes. Dat doe mos ik daor drekt aachteran. Kaasten en alles van de kaant, poes opsluten in mien warkkaemer en doe he’k de moes naor de hal kregen en die is doe hadde de veurdeure uutgaon. An de begin van de middag, in zol krek naor fysiosport, was poes mit een levendige moes in de hal. De moes was tegen de radiater opkreupen. Ik hebbe poes weer opsleuten en disse moes is de veurdeure ok weer uutdraefd.

Ik was vandemorgen al om goed half negen in De Schutse in Appelsche veur et bloedprikken. Dat is de karke plus anbouw an de Vaort ZZ daore. Et vrommesien het hiel wat buisies vollopen laoten. Doe ‘k weer thuus was he’k de fiets pakt en bin ‘k naor Marian in Wolvege gaon veur fysiomassage. Ze wet altied percies waor alle zere plakkies zitten. Vandemiddag he’k weer op ‘e fiets naor Wolvege west veur fysiosport. Vleden weke was de boel daor sleuten en ik was van doel en hael de keer van vleden weke vandaege in. Mar… de boel was nog sleuten. Ik kwam daor dus veur de toedeure. Now ja, dan gao ‘k vri’jdag gewoon weer henne. Over Der Izzerd bin ‘k weerommefietst naor huus. Op die meniere he’k vandaege toch nog 35 kilemeter fietst. Hieronder een foto die ‘k vandemorgen van De Schutse in Appelsche maekt hebbe. Hier heisterde ik om goed  half negen al omme.